橙新聞

【渾水專欄】推訂閱制只為反映文字有價

【渾水專欄】推訂閱制只為反映文字有價
圖:資料圖

【渾水專欄】證監係官僚獨立王國  渾水

我記得大約五年前,社會比較接受免費資訊。盜版意識還是比較強嘛,網上什麼劇都看得了,網上睇新聞好過比幾蚊買報紙。如果我要知去邊度旅行玩,有什麼好書睇,都是上網搞得掂。以前《主場新聞》是當時所有人覺得最好的新聞模式,代價是大家更習慣免費資料,結果同樣免費的資訊比較下,讀者分不清有價值和劣質資訊,劣幣驅良幣。

尷尬在於,為興趣寫啲嘢出嚟分享下,人哋就老馮當你免費顧問,問左問右,唔啱又要出聲鬧人。結果網上世界好奇怪,Hater鬧我,我鬧返佢。佢話原來我咁易激動,然後推塘話唔知我鬧咩。畀人無理謾罵唔可以回應架?謾罵我果陣當我出氣袋架?鬧人無代價?

我覺得市場運作唔係好難。免費東西就是這樣,網民一心想要免費顧問和資訊,行為係食緊免費餐,但心態當正自己係老闆。我鐘意跟別人睇我,來睇我好歡迎,我寫的文字比人用去做商業用途,賺過千萬我都無講一句。但遇上食免費餐,無理鬧我,視乎心情啦,我通常鬧返轉頭。喂,你無畀錢,又唔係我老闆或客戶,我做乜要比你鬧。

鬧人好費氣力,所以要令無價值的事衍生更多價值,唯有賣個廣告。有價值的東西唔應該太輕鬆同人分享,肥佬黎的訂閱制度有遠見,我做內容的,應該要同佢在這個立場上睇齊。我相信知識係有價,雖然我未必可以幫到人搵錢,但係起碼可以幫人睇穿一啲事情嘅本質,了解多啲,避開陷阱。呢個亦都係我搞訂閲計劃嘅初衷,一免費就多垃圾烏蠅嘈喧巴閉,最近先送咗一次書大家多多交流。嚟緊我都會諗下點樣改善呢一件產品,又或者將呢件產品做得多樣化啲。

推動訂閱係因為要將本身有價值的東西反映出真實價值,也是告訴別人免費資訊未必好,甚至有毒。這是對抗慣食免費餐的劣質文化,也是改革,其實不一定限於訂閱,但凡任何令內容產生價值的行動都應該要支持,只是訂閱暫時是最近市場運作的模式而已。付費可以令有心提供內容的人跟旁人一較高下,市場競爭下定輸贏。唔岩睇,可以唔付費,市場最公平,花時間鬧人或駁擊回應是全無經濟價值,且更容易產生誤會磨擦。

作者簡介

畢業後在法資行從事基金工作,大半年後裸辭全職位投資殼股市場和跑Deal。24歲成為全港最年輕的上市公司執行董事。著有《殼股財技》。

Facebook專頁:www.facebook.com/muddydirtywater

本文為作者觀點,不代表本媒體立場

責輯:郭韻婷

編輯:Chen Ching Wai

編輯推薦

【渾水專欄】精英主義無乜問題

曾經有段時間很喜歡講林鄭精英主義,聽起上來似貶多於褒。在語境上面去睇,精英主義的underlying是「離地」、「何不食肉糜」、「不察民情」等。林鄭的施政固然有極大結構問題,但這些批判未必要包括「精英主義」。

2019-02-25 08:56

【渾水專欄】中文科奇怪試卷與「作者已死」

大約八年前,我從教我中文科的班主任手上拿到高考成績單,如無記錯,我的中文科是考了Straight A。

2018-04-13 09:21

【渾水專欄】泛民最需要改善的,係歌聲

民主黨黨慶請了林鄭來,林鄭也得懂大體,捐錢三萬蚊。結果這三萬蚊,換來對民主黨極大的打擊,計一計數,實在非常便宜。我當時也在場,已經覺得奇怪,請林鄭來也算,收錢都算,最過份係竟然收咁少。

2018-03-23 08:56

熱門評論

已複製連結