橙新聞

第一桶金

資深地產分析師

【第一桶金】想買筍盤 就別談感情

【第一桶金】想買筍盤 就別談感情
資料圖
【第一桶金專欄】新辣招後 細價樓仍然受捧

文|1% Anthony

1%投資課程總監

真人真事…

朋友:聽講最近你哋買咗好多筍盤喎!

筆者:多呀~~

朋友:我都想趁今次跌市執間平貨投資呀,邊區好呀?

筆者:大西北丫,劈價比較多。

朋友:我唔鍾意天水圍…

筆者:屯門、元朗都唔少劈價。

朋友:新界西北我都唔鍾意,太偏遠啦。

筆者:其實而家搭西鐵出入,都好方便。

朋友:唔啦,仲有冇其?

筆者:新界東囉,減價都多。

朋友:將軍澳、馬鞍山嗰邊我都唔係咁鍾意。

筆者:嘩!小姐~~你咁多地方唔鍾意,點揀丫。

朋友:都係屯門、元朗、天水圍、將軍澳幾個地區之嘛。

筆者;但係呢幾個地區,比較多劈價貨喎!

朋友:不過…

筆者:你又唔係自己住,投資之嘛,講乜鬼嘢鍾意丫~~

個個都話…我想趁跌市買平嘢!

現實係…有幾多人真係做得到?

首先,當然是要知道邊度跌得勁

睇新聞都知,大屋苑多、二手供應量多的地區,明顯跌幅比較勁,朋友所講的幾個地區,例如屯門、元朗、天水圍、東涌、將軍澳、九龍東、荃灣等,都是經常見報,劈價新聞一浪接一浪的地區,既然想趁跌市買平嘢,就應該要多留意這些地區啊。

其次,要有心理準備,跨區挑戰

如果你本住在這些地區,當然不會抗拒,然而很多住在市區的人,例如一些住在港島的前輩,對這些相對比較偏遠的地區,都不能太接受。然後就埋怨:「唉~~港島區啲樓好似冇乜點跌!」

既然冇乜點跌,點解唔去其他地區睇吓呢?

又有朋友說,這些地區的抗跌力低啊!

這當然啦!試想想,甚麼是抗跌力呢?抗跌力強的意思是,當大市下跌的時候,這些地區跌幅較細,甚至不跌,如果是這樣,又何來有平嘢俾你執呢?想在跌市撈平貨,當然揀抗跌力比較弱的地區,要做好心理準備,將來面對升升跌跌都比較勁。

投資,不是談戀愛,目標要是賺錢

正如朋友所講:「我唔鍾意呢幾個區!」你現在買樓的目的是做甚麼呢?是自住嗎?如果自己住的話,還可以加多一點要求,揀自己鍾意的物業,如果只是投資,計好數就可以了,談甚麼「鍾意」、「唔鍾意」呢?筆者試過無數次,連租約買入單位,住客住到唔願走,由我收鎖匙、收樓,到幾年後,我賣出去,賺了錢,分分鐘未曾入過屋,「鍾意」、「唔鍾意」又有何意義呢?

調整好心態之後,就要開始做好準備,然後出擊!

重新認識一個地區當然不容易,要花點時間實地考察,最好當然有熟悉該地區的朋友引路。然後就是裝備好自己,做足功課,準備好資金,計好自己的還款能力,定好自己的出入市目標,然後果斷出擊,市況變化很快,如果不能果斷,就會一次又一次錯過機會!至於要如何操作,往後皂講座、活動再跟大家分享!

責編:陳榮彪

編輯:EmmaKwok

編輯推薦

【第一桶金】土地供應死局

筆者:涉及私人業權有排搞喎,填海可以自己話事重新規劃! 朋友:仲有高爾夫球場呢?咁大又唔用? 筆者:可以一齊搞嘛,點解一定要分先後呢? 朋友:要洗好多錢嘛!

2019-01-28 16:26

【第一桶金】決戰觀塘

Anthony Sir你好,最近大家都很留意觀塘,新樓睇過,但銀碼比較大,超出預算,如果想在觀塘其他地方尋寶,買低水二手樓,可以享有重建的優勢,同樣又不用花太多錢,有可能嗎?之前睇你的書知道你們早就進軍東九龍...

2019-01-21 09:41

【第一桶金】排隊買茶又關買樓事

個個都知,香港人喜歡排隊,新樓賣平少少就大排長龍,演唱會楝篤笑更加要排通宵炒黃牛,名牌百貨公司大減價要排,流口水美食就更加要排,問題是…排的多數都是本地潮流,是外國品牌,講到大陸品牌,尤其是大陸食...

2019-01-14 17:02

熱門評論

已複製連結