橙新聞

【搵錢呢啲嘢】美女棄做幼園老師 賣水果乳酪背後充滿「洋蔥」

【橙訊】經過人來人往的電氣道,很可能不會為意旁邊的清風街,曾任職6年幼稚園老師的Ivy,偏偏選擇在條橫街創業,用盡40多萬元積蓄,開了一間水果乳酪飲品店,開店初期生意並不理想,但早前因為一篇報道,引來不少網民關注。創業背後,原來每個細節都充滿「洋蔥」。

圖:搵錢

今年30歲,未曾做過飲食業、零生意經驗的Ivy,畢業後直接當上幼稚園老師,一做便做了6年,直到一次到泰國旅行,試飲了一杯好味的水果乳酪;加上自己對乳酪的情義結,很想將這款天然飲品引入香港,於是她毅然辭職,去年10月在天后開設「TAKE YOUR TIME 輕時光」,主打新鮮水果乳酪飲品。

創業的決定聽起來很輕率,對Ivy來說卻是艱難的決定。她坦言,成為幼稚園老師是自少的夢想,選擇放棄夢想職業,是因為看到很多同事,都被太過安穩的生活困住,一教就教一世。因此,她決定趁尚算年青、還有熱誠的時候,試一試自己有沒有其他可能性,即使創業失敗,日後亦可重執教鞕。「如果我而家無試過既話,可能我淨係一世教書」Ivy說。

Ivy不違言對幼稚園老師一職仍有留戀,「成日都好唔捨得,因為我走之前果班學生,係我教咗兩年既學生,本應今年係我同佢地一齊畢業。」為了創業,她用盡多年儲下來的40多萬元積蓄,也推遲了生BB的計劃。

圖:搵錢

家人知道她創業的一刻,是一致性的反對聲音。她說:「佢地會覺得你做老師咁穩定,假期又多,點解唔舒舒服服呢,同埋老一輩會覺得,你無做生意既經驗,有機會蝕曬啲錢,儲返黎啲錢全部無曬,咁咪好嘥。」不過,Ivy沒有因為此而放棄創業的念頭,「如果你無捉住呢一剎那,過咗,可能就唔會再做,所以我都堅持。」

Ivy下定決心後,便開始研發如何沖調飲品,為各種水果找出它們的「好朋友」,不斷摸摸拼拼,單是乳酪做成的奶蓋,已試了十多個牌子。店舖目前共提供30多款飲品,全部均是由她親自研發。健康和天然是Ivy最堅持的宗旨,飲品盡量使用新鮮水果,而且不加化學調味,糖水也是由冰糖和桂花煮成,拒絕用現成糖漿。

圖:搵錢

店舖終於在去年10月開張,內外擺放了大大小小的盆栽,配上玻璃大門,頗有台灣cafe店感覺。Ivy稱,整間舖由自己設計,不包材料的裝修費花了10萬元,磁磚是她親自從內地訂回來,甚至搬搬抬抬也要包辦。她坦言一個女孩在創業上其實很「蝕底」。開業後,她每天星期一至日都會到店舖工作,由早上10時工作到晚上10時,至今從未放假或支薪。

圖:搵錢

然而,開業初期生意並不理想,尤其遇上冬季,即使自己不出糧,一個月至少賣出100杯才勉強收支平衡。在最慘的一日,下著大雨,店舖只賣出30杯,僅800元生意。「創業就預咗唔係一開始就賺錢,所以收支平衡我已經好開心 ,舖頭生意要慢慢建立,一步步向上,所以我唔心急既。」

圖:搵錢

不少網民認為她選擇的店舖位置不好,位於電氣道與清風街交界的不起眼處,前四手店主也做不住而慘淡離場。Ivy坦言,初期生意差,曾經想過是否因為舖位問題,但開店一段時間後,發覺天后其實是一個頗有人情味的地方,與不少顧客的關係更似朋友,慢慢累積了熟客,每日賣出100杯的日子也增多,上月營業額超過10萬元,首度錄得盈利。

【搵錢呢啲嘢】美女棄做幼園老師 賣水果乳酪背後充滿「洋蔥」
圖:搵錢

「我又覺得呢一區我無揀錯,大家都對我好好,所以我都好開心可以係呢個地方,開到我第一間舖。」Ivy稱,店舖主打寫字樓員工,曾經考慮在西營盤及中環開業,但她希望店舖可以為客人帶來舒適放鬆的感覺,面積不想太細,附近不會太嘈吵,最終選擇了天后的舖位。

由於人流較預期少,Ivy亦加強推廣,例如邀請IG的Foodie免費試飲,亦因應冬天推出熱飲,以增加客源。最近得到傳媒報道,也令生意有所好轉。有不少人建議店舖出售蛋糕、燒賣等食品幫補生意,她立即一口拒絕,認為當下應該專心做好自己的產品,靠飲品贏得回頭客。

Ivy外貌帶有一點幼氣,但經營理念說得頭頭是道,並非輕率創業。問到有沒有放棄的念頭,她回答:「間舖咁堅持去做,點會因為少少挫折而放棄,嘥自己既心機同錢,嘥咗我自己諗出黎既野飲,愈做唔到,就應該愈諗點樣可以做到,所以其實我無諗過會放棄。」

責編:郭韻婷

編輯:Loki Chan

編輯推薦

【搵錢呢啲嘢】全職街頭塗鴉藝術家:唔好人哋俾錢叫你畫咩就畫咩

下午三點,資深塗鴉藝術家4 Get帶我們到他經常畫畫的地方,他裝備很簡單,一個大背囊,裡面裝著有數支噴漆和口罩,沿途可見到處都有塗鴉者的足跡,4Get為我們介紹他的畫作,事實上他的作品確實辨識度非常高,屬於...

2019-01-11 12:24

【搵錢呢啲嘢】棄高薪賣愛心老火湯 前ibanker:錢唔會賺得晒

年輕一代個個都想創業,原因大多離不開「想賺大錢」、「唔想打工」、「唔想受老細氣」,但若然做一個打工仔,工時穩定,工作又談不上辛苦,而且年薪過百萬,你還會辭職去創業嗎?「我唔想只留在舒適圈入面,咁就...

2019-01-04 17:12

【搵錢呢啲嘢】賺女人錢講緣份 Vintage袋達人年生意過千萬

買手袋都要講緣份?對Vintage(古著)手袋達人子健來說,一點也不誇張。原本在日本工作的他,數年前回流香港開舖創業,主力賣Chanel品牌的Vintage袋,講到明「罕有既野,你係無得揀去搵佢」,客人每一次到訪,都會...

2018-12-28 15:37

熱門評論

已複製連結