橙新聞

【搵錢呢啲嘢】棄高薪賣愛心老火湯 前ibanker:錢唔會賺得晒

【橙訊】年輕一代個個都想創業,原因大多離不開「想賺大錢」、「唔想打工」、「唔想受老細氣」,但若然做一個打工仔,工時穩定,工作又談不上辛苦,而且年薪過百萬,你還會辭職去創業嗎?「我唔想只留在舒適圈入面,咁就一世」就是這個原因,80後的鮑國偉(Jason)放棄了高薪工作,改行賣老火湯,決意為基層社區帶來一點人情味。

【搵錢呢啲嘢】棄高薪賣愛心老火湯 前ibanker:錢唔會賺得晒
圖:搵錢

Jason坦言在從事金融行業時早已有創業的念頭,只是當時「自己未有資金、未有人脈、亦未有其他做生意所需嘅條件」所以當Jason的朋友建議他開實體店「搞飲食」時,他就決定以自己喜歡的湯水作起步,創辦主打無味精自家製老火湯的「正湯寶寶」。Jason先開設網店試水溫,用大約2至3個月去研究市場對湯水的需求,才真正在土瓜灣開設第一間舖頭,「其實單係開舖頭3、40萬都夠,但係要留返好多營運資金,加埋裝修費,大概要7、80萬」。

與一般的初創企業一樣,Jason創業初期亦要「一腳踢」,從設計湯單、買食材、煲湯、管理賬目、甚至送外賣都是自己落手落腳做。他憶述,試過有次送貨時撞車,「當時真係好氣餒,唔知點算好。」不想客人久等的Jason,只好先送完貨,才去修車。

不知道是否同以前的工作有關,Jason對營運生意亦十分「穩陣」,為了更了解客人的需要和口味,他做過不少的市場調查,分析市面上出現過的湯水產品。每次研發新湯水亦會找來過百人試味,從而加以改進。這份認真,令Jason的湯水生意發展得十分順利,從創業初期的「一人公司」,到現時有四位生意拍檔,至今營運約1年時間,便開設了兩間實體店,在2018年總營業額就已有約300萬元。

【搵錢呢啲嘢】棄高薪賣愛心老火湯 前ibanker:錢唔會賺得晒
圖:搵錢

可能會有很多人覺得創業、做老闆,賺到錢之後的目標就是更賺更多的錢。但Jason卻有點不同,「錢,冇可能賺得晒。我自己覺得做嘢唔係淨係為咗錢,賺到錢之餘,可唔可以去試下幫人呢?」當初Jason為了走出舒適圈而決定創業,同樣地,他為了「喺自己人生上面添加啲意思」,他用做生意的盈餘,贊助坊間不同的社區中心作定期的派湯活動,更身體力行去探訪區內獨居長者,為長者帶來一點溫暖的人情味。

Jason亦曾經在只收取成本的情況下,助一名有心人為露宿者提供一日三餐。做好心,就會有好報?「有時有啲老人家知道有派湯,早咗到,就算我哋畀埋櫈仔佢哋,佢哋都照樣會鬧點解要定時間、點解唔早啲開始派。」Jason慨嘆派湯是為回饋街坊,不能被體諒時,反倒被人指罵,而且活動期間亦會引來人龍等候,同樣或會阻塞街道,影響他人對店舖的觀感。在這種情況下,的確會覺得「好人都真係難做」。

【搵錢呢啲嘢】棄高薪賣愛心老火湯 前ibanker:錢唔會賺得晒
圖:搵錢

被問及有否後悔棄高薪來創業,不但令工作更纏身,做好心又被鬧,他亦坦言「算唔上後悔,都會有比較。始終創業係一條孤獨嘅路,旁人未必明白你做嘅嘢」他表示,雖然現時可能沒有比創業前賺得更多,但他認為現時的工作讓他有滿足感,而且所得的也不比以前少。未來,他除了希望令生意更智能化,透過數據分析向客人推介合適的湯水外,更希望可以繼續在商業利益和社會利益中找到平衡。

責編:陳榮彪

編輯:EmmaKwok

編輯推薦

【搵錢呢啲嘢】搵命博唔一定搵到錢!跑酷愛好者月入萬零蚊好滿足

跑酷(Parkour,有時簡寫為PK),被歸類為一種極限運動,好多人都不禁諗起跳樓、玩命、街童,沒有任何安全措施的情況下,飛簷走壁,於是就將Parkour標籤為高危運動。

2018-12-21 13:48

【搵錢呢啲嘢】8間鋪2年執晒靠開live翻身 鞋痴打造160萬女鞋生意

記得小時候媽媽帶自己去買鞋,都會千叮萬囑一定要試上腳,走兩步,合腳才能買。從事女裝鞋行業十幾年的鞋佬Jaguar高峰時在內地有8間分店及設有專屬廠房。認為「鞋一定要試的」的他,在面對網購潮流興起,仍然死守...

2018-12-07 10:03

【搵錢呢啲嘢】洗頭仔搖身變3間Barber Shop老細 年收過百萬(下)

在上集Hunter 跟我們分享了他的生意經,今集他跟我們分享他個人的故事----一個油頭佬的故事。

2018-11-30 17:27

熱門評論

已複製連結