橙新聞

第一桶金

資深地產分析師

【第一桶金】空置稅幫唔幫到壓抑樓價?

【第一桶金】空置稅幫唔幫到壓抑樓價?
圖:資料圖
【第一桶金專欄】新辣招後 細價樓仍然受捧

文|1% Anthony

1%投資課程總監

讀者來信
Anthony Sir你好,最近睇了好幾個新樓盤,開價多數比附近的二手屋苑高出不少,而且往後加推的都會加價,越賣越貴,好似冇辦法壓得住似的。其實我見很多新樓都未賣,二手樓又係,好多放盤放好耐都唔肯減價,政府話考慮推出空置稅,唔知有冇幫助呢?
回覆讀者來信
個個都高呼增加供應,係咪真係單純供應問題?
讀者說的對…現在樓價高,空置率也高。
一手新盤點解空置?
曾經有段時間,尤其樓市較淡靜時間,發展商開價並不進取,但求盡快清貨,資金回隴後,再投地起樓,貨如輪轉。可惜近年中資發展商高價搶地,若搶唔到地,固然無地起樓,就算搶得到,麵粉價都貴,既然冇樓可賣,咁快賣晒手上單位做乜?於是就傾向求價不求量,情願慢慢賣,每個單位賺多啲。再加上辣招鎖死二手,新樓冇對手,更加隨心所欲地求價不求量!
據運輸及房屋局數字,去年底已落成樓宇但仍未售出的私人住宅數目達9500個,較2016年底6000個上升逾五成!相信大家見到,經常有新盤在賣出首幾批單位,收回成本及部份利潤後,就大幅加價。甚至有些新樓,逐少逐少招標發售。反映於媒體報導,就是不停的…天價、創新高,日日聽,日日睇,小市民無奈接受。
空置稅對新樓有冇用?
大家見到,政府都見到,但有冇辦法?局長說…會考慮空置稅。
如果可以令發展商加快賣樓,理論上市場供應就會增加,價錢亦會回落,但如何執行?怎樣才算空置呢?空置多久才需要徵稅?如果發展商標出高價,銷情很慢,那算空置嗎?不是發展商不賣,只是賣不出而已,又如何處理?收幾多呢?會否轉嫁消費者,令到新樓開價更貴呢?…之前政府其實都推出好多辣招,希望穩定樓價,發展商見招拆招,例如高成數按揭等,今次都可能有辦法拆掂,不過囤積問題眾人皆見,有招總好過冇招。
二手單位點解空置?
根據運輸及房屋局的資料顯示,香港現存的私人住宅單位總存量有約1,158,800個,空置率約3.8%,即有逾44,000個空置單位。相比其他國家,這個數字雖然不算高,但相比每年新樓落成量才2萬多個,是全年供應的兩倍多!如果可以令這幾萬個單位推出市場,就算不是拿出來賣,就是拿出來租,也是一件好事。就算樓價不能壓下來,若能夠將租金壓低,同樣可以幫市民解決住屋問題。
不過同樣的問題,如何定義?如何執行?
如果業主要出Trip,每年有一半時間不在港,算空置嗎?又例如業主以高成數按揭買入單位,給長輩住,但長輩長時間在大陸,可以出租嗎?不是業主不想出租,問題是政府辣招規定,5成按揭才可以出租,那又怎辦呢?其他按揭政策都要配合才能成事。

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商鋪、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

責編:郭韻婷

編輯:Chen Ching Wai

編輯推薦

【第一桶金】住緊公屋…是否應該換居屋?

居屋不便宜啊!政府堅持與市價掛鈎,以市場七折定價,令到今天的居屋呎價創新高,尤其是今年兩個分別位於啟德及長沙灣的居屋項目,平均呎價近萬,最貴的居屋單位超過600萬,普普通通買一間每個月都要供萬多元,能...

2018-04-10 10:13

【第一桶金】大灣區買樓邊度有潛力?3個入門貼士!

最近大家都在講大灣區,然而整個灣區面積大,並不是每個地方都值得投資。北上睇樓時,還要看看當地的內需有多強。

2018-04-04 15:02

【搵錢呢啲嘢】90後情侶創業有10間舖 未搵到第一桶金

90後情侶Alan(伍卓倫)、Zoe(黃俊然),20歲出頭便擁有10間公司,年賺2000萬,在別人眼中,年紀輕輕的他們可謂人生贏家。

2018-03-28 15:54

熱門評論

已複製連結