橙新聞

第一桶金

資深地產分析師

【第一桶金】唔想成世人為咗層樓?可以點?盡快買多幾層樓!

【第一桶金】唔想成世人為咗層樓?可以點?盡快買多幾層樓!

唔想成世為層樓,就要買多幾層樓,讓層樓為你打工。資料圖

【第一桶金專欄】新辣招後 細價樓仍然受捧

文|1% Anthony

1%投資課程總監

朋友: 「新年快樂!」

筆者: 「新年快樂!點呀?今年有乜目標?」

朋友: 「未諗呀,屋企人成日叫我買樓。」

筆者: 「而家係貴咗啲,不過搵吓都有筍盤嘅。」

朋友: 「都唔係平貴問題,屋企人話可以幫吓首期。」

筆者: 「咁係咩問題呢?」

朋友: 「我唔想成世人,就係為咗層樓!」

筆者: 「啱!成世人為層樓,人生就冇意義!」

朋友: 「有咩辦法?供樓唔使咁辛苦?」

筆者: 「盡快買多幾層樓!」

朋友: 「痴線!玩咩?」

筆者: 「真架!因為當你得一層樓,層樓要嚟住,係你養佢!」

朋友: 「咁買多幾層呢?」

筆者: 「好明顯你已經識得用磚頭賺錢,就係樓養你!」

朋友: 「又好似係喎…」

筆者: 「都係我哋投親身經歷…」

轉眼又新一年了,計劃好了嗎?

其實有好多朋友問…唔想成世人為層樓,可以點?

筆者的答案係…盡快買多幾層樓!

每次朋友聽到…都覺得我顛咗!或者玩嘢!

如果你仲未上車確實現在是比較貴,要多花心思搵筍盤。

居住問題總要面對,總不能一世租樓吧!

租金會隨着通脹不斷上升,將來年紀大了,賺錢能力減退,就會越來越吃力,就算租得起,到時都未必有業主肯租給你。點解?年紀大喎!自己諗吓啦!相反供樓不是跟通脹,是跟利息的,只要利息唔加得多,供樓就唔會供多好多,而且總有一天會供完,老了…還可以做逆按揭,著數好多。不過又唔係叫你即刻飛身撲入去!講真而家樓價真係幾貴,業主、發展商個個都開天價,要多花時間去發掘有潛力的地區、筍盤,將來才能賺錢、換樓、再賺錢…很重要!如果暫時能力未許可,首期未夠,入息未夠過壓力測試,先評估一下短期內能不做到,如果未得,可以考慮先做其他投資壯大資本,例如先北上買樓走一轉,賺了再回歸!

如果已經上車是時候要想想如何轉車了,否則只會原地踏步!

如果你只有一層自住樓,好過冇!好過租!

不過在一般用家思維上,這層樓是用來住的,每個月都要供樓,是你養這層樓。如果想層樓養你,就要培養投資者的思維。

舉例,早幾年樓價較便平,我們會不斷加按,多買幾層樓收租。

例如筆者4、5年前買的幾層市區樓,以當時標準的7成按揭計,供7、8千的樓,收租可以收1.3、1.4萬,扣除管理費,每個單位正現金流有5、6千,有幾個單位收租,就夠供埋自住那層了,有得住唔洗錢!如果再多幾間收租,個個月有幾萬元,唔使做添啦!

不過這個如意算盤今天難打響了,因為樓價貴了,回報低了。

所以,要有新的思維,賺差價比賺現金流更為重要。

以上述的市區樓為例,當時約300萬,現在接近500萬,賣出之後連同幾年供款本金大約有200萬,傳統做法,一間可以拆兩間了。當然現在有15%辣稅,又有壓力測試,要再多買幾間住宅不易,賺到的錢可以買其他資產,例如買多間海外樓、大陸樓,又例如好似筆者,投資非住宅,例如工廈等。政府定了很多政策,就是不讓人多買住宅收租,要突圍就要想辦法了。

條條大路通羅馬,最重要的是,新一年,做好轉車的計劃!

記住,得一層樓,就係你養層樓!有幾層樓,就係樓養你!

記住,得一層樓,只有花錢,直至供完!有幾層樓,就是賺錢!

很多人認為,樓是住的,不是賺錢的!各有睇法,筆者不反對,但對於筆者來說,很難聽,不過是事實,樓是用來賺錢的。

唔想成世為層樓,就要買多幾層樓,讓層樓為你打工!

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商鋪、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

責編:陳正偉

編輯:EmmaKwok

編輯推薦

【第一桶金】那個年代最易買樓?

政策不變,即使樓價唔升,亦難以大跌,沒有父幹母幹怎麼辦?唯有多動腦筋,開闊視野,唔可以再靠份工啦!一個方向,搵家人、朋友合力上車;另一個方向,鑽研其他投資機會,除了一般股票、債券等,大陸樓也是一個...

2018-03-12 09:14

【第一桶金】年後新盤供應陸續有來 邊區值留意?

以往,師傅教落…供應量多的地方就要避! 原因很簡單,因為供應量多,如果賣得太貴,一來難以清貨,二來買家情轉投二手市場,於是發展商就會貼二手價開盤,試想想…如果個個新盤都咁係咁,區內樓價自然受壓,...

2018-02-27 09:37

【第一桶金】公屋破頂 月入2萬上車冇望?

最近看見很多公屋破頂成交個案,連公屋都賣到1.6萬一呎,係咪代表樓市價繼續爆升?係咪代表業主話晒事,冇可能會劈到價?我現時人工只有兩萬多,係咪要宣佈絕望了?

2018-01-17 08:35

熱門評論

已複製連結