橙新聞

第一桶金

資深地產分析師

【第一桶金】那個年代最易買樓?

【第一桶金】那個年代最易買樓?

作為90後,沒有父幹母幹買樓確實困難,要有新的思維。資料圖

【第一桶金專欄】新辣招後 細價樓仍然受捧

文|1% Anthony

1%投資課程總監

讀者來信

Anthony Sir你好,我是一位90後,剛剛出來社會工作不久,儲的錢不多,眼見樓價越升越高,實在有點絕望。身邊長輩都鼓勵我,說每個年代都有自己的困難,是這樣嗎?我們這一代,又應該如何面對高樓價難上車的困局呢?

回覆讀者來信

是的,每一代都有自己的困難,也有自己的機遇。

作為90後,沒有父幹母幹買樓確實困難,要有新的思維。

60升職加薪話咁易,但利息高企買樓亦有難度。

經常聽前輩說,當年普遍學歷及工資不高,但肯做肯捱總有機會。尤其80年代香港前途問題,出現移民潮,願意留在香港拼搏的,升職、加薪機會非常多。至於買樓,當年樓價雖然便宜,3、40萬就買到個單位,不過供樓利息很高,據港台一輯歷史新聞片,按息高達14、5厘!買樓不易,要肯捱肯做才能圓置業夢。

70經濟起飛,但樓市炒風熾熱,97高位接貨可能變負資產!

90年代踏足社會,搵工、搵錢不難,但買樓卻越來越難!94、95年後直至97,可能是歷史上炒風最勁的年代,原本3、40萬的上車盤,短短幾年炒到200幾萬,豪宅、新樓更為瘋狂!加上利息高,點買?有些朋友包括筆者,選擇絕望冇眼睇,安心租樓。有些朋友挺而走險,篤手指炒樓摸貨,有些走不及的,97爆煲後成為負資產,更有朋友惹下一身債,一沉不起,從此不敢再買樓。

80起步較難,但樓價平、利息低,買樓相對較易!

畢業於千禧年代,正是香港經濟最低迷的時期,搵工難、人工低、前景不明朗,更不用說甚麼升職、加薪、儲錢。

然而2004年開始,經濟復甦,造就了可能是歷史上最好的買樓時機!第一,樓價大跌7成!7、80萬就可以買樓上車,第二,銀行放水,利率急跌,按息只是2厘多!第三,高成數按揭重出江湖!即使儲錢不多,問題亦不大,筆者在2005年上車,大約100萬的單位,10萬元首期,分20年供,月供5千元左右,只要夠膽,怎會買不到?錯過了?不要緊,還有一次機會!2008年金融海嘯又再出現第二個低位,2009至2010年,不少同學更借盡95%按揭,當年河畔花園、金獅花園等大約120萬入場,6萬首期就買到了,利息還要是H+0.7%,只要夠膽,怎會買不到?

90政策扭曲,買樓確實比之前困難!

量化寬鬆後,表面上一片繁榮,經濟增長迅速,搵工、搵錢不難,但實際上,百物騰貴,資產價格膨漲,加上政府的辣招扭曲市場,樓價升幅遠遠拋離市民的購買力。有樓在手的,財富十級跳,看看現在的新樓,普通一個兩房單位動輒逾1000萬!依然大排長龍,買家面不改容,錢從何來?打工嗎?冇樓在手的,上車都難!不到300呎的蝸居都要500萬,政府又收緊按揭,就算搵到400萬以下,想借9成,又要固定收入又要壓力測試,如果借唔到,兩成首期計近100萬!是80後一代的10倍!

政策不變,即使樓價唔升,亦難以大跌,沒有父幹母幹怎麼辦?唯有多動腦筋,開闊視野,唔可以再靠份工啦!一個方向,搵家人、朋友合力上車;另一個方向,鑽研其他投資機會,除了一般股票、債券等,大陸樓也是一個出路,只要捕捉到真正有發展、基數低的城市,幾年翻一兩倍不難,到時就有首期可以買香港樓了。

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商鋪、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

責編:陳正偉

編輯:EmmaKwok

編輯推薦

【第一桶金】年後新盤供應陸續有來 邊區值留意?

以往,師傅教落…供應量多的地方就要避! 原因很簡單,因為供應量多,如果賣得太貴,一來難以清貨,二來買家情轉投二手市場,於是發展商就會貼二手價開盤,試想想…如果個個新盤都咁係咁,區內樓價自然受壓,...

2018-02-27 09:37

【第一桶金】公屋破頂 月入2萬上車冇望?

最近看見很多公屋破頂成交個案,連公屋都賣到1.6萬一呎,係咪代表樓市價繼續爆升?係咪代表業主話晒事,冇可能會劈到價?我現時人工只有兩萬多,係咪要宣佈絕望了?

2018-01-17 08:35

【第一桶金】買二手樓,會有漏水問題嗎?

買二手樓會有很多維修問題,聽說最難搞的是漏水,最近有代理介紹了一個單位給我,30年樓齡,頂樓連天台的單位,景觀不錯,但我很擔心

2017-12-20 08:12

熱門評論

已複製連結