橙新聞

第一桶金

資深地產分析師

【第一桶金】買內地樓入門要幾錢?

【第一桶金】買內地樓入門要幾錢?
最終都係覺得內地樓最抵。資料圖
【第一桶金專欄】新辣招後 細價樓仍然受捧

文|1% Anthony

1%投資課程總監
朋友A:​「樓價指數又創新高,而家買住宅投資真係冇肉食。」

朋友B:​「睇個勢如果政府唔做嘢,仲有力升多浸喎。」

朋友A:​「仲升得幾多丫,前輩教落,最後嗰浸留俾人賺啦。」

朋友C:​「不如跟我去買柬埔寨樓啦。」

朋友B:​「柬埔寨好咩?」

朋友C:​「講英文、用美金、冇外匯管制,將來係一帶一路中心。」

朋友A:​「唔係喎,上次睇泰國樓,代理話泰國先係中心喎。」

朋友C:​「點解泰國係一帶一路中心呢?」

朋友A:​「佢話地理位置好,政治相對穩定,做生意駐點首選。」

朋友B:​「唔係喎,上次睇馬來西亞樓,代理話嗰度先係中心。」

朋友C:​「又點解馬來西亞會係一帶一路中心呢?」

朋友B:​「代理話當地人識講多國語言,又多內地人去買樓。」

朋友C:​「Anthony你俾啲意見,你覺得邊度發展好啲。」

筆者:​​「賣樓嘛,個個都話自己係一帶一路中心架啦!」

朋友C:​「咁你覺得最有機會係邊度先係中心?」

筆者:​​「其實都係斷估,買番內地最穩陣,哈哈!」

朋友C:​「內地貴丫嘛。」

筆者:​​「貴?你個柬埔寨盤幾錢呎?」

朋友C:​「約港幣3000幾啦,100萬可以買一房300幾呎。」

朋友A:​「泰國都係咁上下,靚位都要去到港幣4000幾架!」

筆者:​​「咪係囉,好多二線城市,計番呎價都係1000幾咋!」

朋友B:​「咁筍?邊度先?會唔會係山卡拉?」

筆者:​​「好多省會大城市都係,就算翻一倍都未到3000!」

筆者自小受到傳媒及身邊朋友影響...

覺得買內地好危險,買樓好易中伏,於是就錯過很多賺錢機會。

直至兩、三年前,見香港住宅樓價越來越貴,租金回報越來越低,上升水位越來越小,就決心要學習投資外地物業。到過不同國家,睇過很多樓盤,最終都係覺得內地樓最抵、最有爆炸力,於是由珠海起步,跟前輩及投資兵團一起進軍國內多個城市。

內地樓…呎價極低水

一線城市當然貴!深圳早兩年瘋顛時期,樓價簡直可以比美香港,上海、北京、廣州等當然亦不便宜,然而很多很有實力、很有潛力的二線城市,其實很便宜。例如筆者有次去曼谷考察,與同事睇了逾20個盤,即使位置一般的樓盤,呎價都要3、4000元以上。後來再跟前輩到內地各大城市考察,很多二線大城市,例如長沙、重慶、無鍚、合肥、瀋陽等等,呎價都只是1000多元。

入門...即是要多少錢?

在內地買樓,最常買的有住宅、公寓兩種。

住宅面積一般比較大,最少約80~90平方米,以呎價1000多元計算,總價約百多萬,最高可以做七成按揭,首期約40、50萬左右就夠。當然每個城市價位不同,一線城市當然比較貴,但三線城市可能平到呎價4、500元,要細心揀清楚,是搏差價之選。兩年前我們投資兵團買的珠海、惠州、東莞等都升1.5倍以上,剛剛投資兵團在無鍚、合肥等買的單位,過去半年都升了兩、三成。

公寓面積一般比較小,最少約30~40平方米,又以呎價1000多元算,50、60萬就有交易,可以做五成按揭。即是廿幾萬就可以做業主,而且租金回報較住宅為高,一般可以做到4、5厘。自從各地政府推出限買、限賣、限貸等政策之後,很多投資者公寓,因為公寓不限購、不限貸,將會是市場上一股潮流。

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商鋪、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

編輯:雷沁原 責編:陳正偉

編輯:Savanna Lei

編輯推薦

【第一桶金】同一幢大廈有凶宅,會否影響價值?

只要不是你買的單位,不是你買的樓層… 其實同一幢大廈有凶宅,對物業的價值不會有太大影響。

2017-11-08 08:03

【第一桶金】天價放盤

正如湯文亮博士分析,很多天價放盤的業主,其實並非有心賣樓,他們只是想「秤身家」而已,就是說想看看自己的單位值多少錢,有些朋友會不時上網看看自己單位的估價,即使沒有打算賣,沒有打算加按,看見自己的單...

2017-10-23 09:39

【第一桶金】計好數就不會怕輸

老老實實...點會氣氛又好,專家又唱好,但係價錢又平? 如果市場氣氛好,就唔會有平嘢買啦! 如果有平嘢買,預咗一定有負面氣氛啦!

2017-10-16 10:14

熱門評論