橙新聞

【渾水專欄】月餅係不理性的消費

【渾水專欄】月餅係不理性的消費

月餅真係無乜好講,反正風頭都被奇華的怪異廣告搶光了。資料圖

【渾水專欄】證監係官僚獨立王國  渾水

月餅真係無乜好講,反正風頭都被奇華的怪異廣告搶光了。每逢中秋節,明明無乜朋友,獨居廢青的我總會收到幾盒月餅。如果真把它們全倒進肚內,過多幾年,我應該中風爆血管,魂歸天國了。所以,一係就轉送人,要不就受苦地硬啃,我相信好多人都有類似感受。

不論站在環保角度、消費角度,香港人買月餅都去到非理性的境地,因為不只是買來吃,還要買來送人。有時你送我,我送人,然後人地又再送我,結果每年都有幾盒月餅。半島的嘉麟樓月餅更是搶手熱門貨,第一次食是幾好味,但食多幾次就不覺得怎樣。反正買的人,都是買來送人為主。嘉麟樓大名,送禮夠得體嘛。不過供應有限,所以連帶其他酒店或知名酒樓的月餅都水脹船高。

除了送人之外,也要畀面買。以前的我不覺得這是怎麼一回事,但現在開始要注意點,這是迂腐的社交禮儀。去到某些常吃飯堂如國福樓,假如知客向我推銷,我又是熟客,唔買又好似唔畀面咁。不過,貼錢買難受又好像很笨,買完之後,又再次墮入「買、送人、收月餅」的永恆loop。

月餅、年糕、粽子這類應節食品,最好可用餅券取代。餅券有點像衍生工具,衍生工具有「行使」這個概念,跟兌換餅券的原理相似。如果真心想食糕餅,可以自己用券換取;如不想吃,不兌換就好了,也不會做成浪費。

禮多人不怪,是既定的傳統。不過講真,去到我地呢個年紀,仲有邊個會對月餅有特別期待。要減輕月餅浪費造成的「界外效應」,首要推餅券概念,其次就係要認清對象。見到個樣後後生生的,真係不必送啦,冰皮也不必送。你送我月餅,我反而頭痛得很。

作者簡介

畢業後在法資行從事基金工作,大半年後裸辭全職位投資殼股市場和跑Deal。24歲成為全港最年輕的上市公司執行董事。著有《殼股財技》。

Facebook專頁:www.facebook.com/muddydirtywater

本文為作者觀點,不代表本媒體立場

編輯:郭韻婷 責編:陳正偉

編輯:EmmaKwok

編輯推薦

【渾水專欄】地鐵和Pokeguide誰是誰非

地鐵(我慣叫地鐵,不叫港鐵,這是文字技術考慮)和Pokeguide之間的抄襲爭議很有趣。

2017-09-15 10:09

美中概股「空軍」故事登熒幕 做空中國十年投資者出演

今年上半年,沽空機構沒少攪亂港股市場。去年年底狙擊輝山乳業(06863)讓美國沽空渾水(Muddy Water)一戰成名,而在此之前,他曾做空多隻美股中概股,且逐個擊破,精彩之處不遜電影。為了試圖曝光更多中國公司的欺...

2017-09-11 16:49

【渾水專欄】個個都吸毒,唔通個個都想吸毒咩

次講毒品與經濟學,講了一個反直覺和反普世價值的推論

2017-08-25 09:24

熱門評論

已複製連結