首頁

您當前的位置:財經 正文

【張容容專欄】幫莊家搵客坐貨的艇仔

掃描QR Code 分享到WeChat ×

【張容容專欄】幫莊家搵客坐貨的艇仔

始終是沒有明文規定,所以啲艇仔話走就走。圖片來源:張容容

【張容容專欄】幫莊家搵客坐貨的艇仔

張容容|美少女炒家

情陷中環

近依半年成日都聽到外邊有好多deal,話如果搵到個客買股票,大約整單deal要1,000至2,000萬錢的貨,就可以得有10至20 % cash回水,有時仲聽過話如果個客輸左,又會幫個客賠水面,有些offer仲誇張到話賠水底添,他們大多數會做m盤,或者bought sold note用個客名下的證券戶口,來把整個交易完成,然後就約個唔好有咁多人嘅地方交上朱古力(朱古力係現時股票界既terms,即是現鈔)。

另外,如果做到一單這類型的deal,介紹人仲會有5至7%額外現金當作介紹費,所以依年好多8仔同埋2、3缐的股票,好多背後的莊家為了有更多的本錢打隻股票上去,都紛紛想多啲艇仔出來做事,發散啲腳去搵人坐貨。做一單deal,大大話話簡簡單單最少都袋50萬,咁大舊肥豬肉,梗係一傳十,十傳百咁個個去搵客啦!

不過始終呢啲deal係犯法嘅,如果喺金融界有牌嘅,又或者係乜乜主席一畀人知道有加入參與的話,就等著被證監會查啦。所以,他們一定好小心,咩都係用口講(所謂的君子協議),並且沒有合約明文規定,所以股票升嘅時候就大家開開心心分錢,但如果輸的話……

始終是沒有明文規定,所以啲艇仔話走就走,唔係嘅話又用拖字訣,又話幾時會升呀,個市唔就呀,等等啦。唉……到時買左嘅人都唔知從何追錢,最近聽得太多呢啲故事了。

近日心水股票是華人飲食(8272)。

(注釋:

水面:給予接貨的客人說好了的折扣,上文的例子是10至20%折扣回賺。

水底:額外再給予客人折扣,幅度一般與「水面」一樣。

m盤:非自動對盤或特別買賣單位的非兩邊客成交

8仔:創業板股票,因都是以8開首,而被市場俗稱「8仔」。)

本文章由作者為橙新聞獨家供稿,文中觀點僅屬個人意見,不構成任何投資意見。

作者簡介:

兩年前一個熱愛炒股票的小空姐,大膽以高槓桿方式炒賣股票,得到了過千萬資產,轉型為全職炒家。被電視台訪問後引起注目,被網民戲稱為「美女股神」。

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!