首頁

您當前的位置:財經 正文

【張容容專欄】放債度日的少女

掃描QR Code 分享到WeChat ×

【張容容專欄】放債度日的少女

懂得放貸錢搵錢,一個月都可以有8萬10萬使,生活無憂。圖片來源:網絡

【張容容專欄】放債度日的少女

張容容|美少女炒家

情陷中環

好多人好喜歡買藍籌股收息,就好似我老爹,喺大台面前大大聲聲咁話,只係鍾意買內銀股大藍籌收收息,而唔贊成個女買細價股,攪到他女兒畀人笑到面都黃,亦都有好多人問我點解唔買藍籌股,同我講買股仔會輸死人。

其實,風險高,回報高,收險低就回報低!風險同回報多少都成正比。的確,買大藍股係唔會咁快輸死人,但亦唔會短時間可以翻到幾倍,而細價股會,所以以我這一類孖展人,比緊P+3孖展息來說,一定要買一些股票圍起條數,一年最少升8%以上的股票才叫「有數圍」,所我只能答你,我唔係話唔想買,而係好難「有數圍」。

其實,買大股又或者細價股,大家最終極目標都係為了賺錢,買任何一隻股票它都有升的時候、有跌的時候,為什麼要標簽買大股收息就是對了、買細價股就是等死呢?只要你在對的時間入了對的價錢就好了,好似愛情世界入面有一句名言「right time right person 」,我的股票世界入面就有句名言叫「right time right price 」,喺股票市場,價錢係決定一切,就算發了公告同你講,隻股票會有可能收購合併重組講到曉飛都好,都係睇個股票價格先知係真係假。因為就算個故事有幾動人,都有可能係假,最後都可能做唔到。這些都係經驗話比我知的,所以買股票要切記睇價錢做人!

講開收息這個話題,我身邊就有一個女閨蜜,她在澳門賭業全盛時期放了兩三百萬放入賭場做收息,當時每一百萬,賭場就會給予一個月2至4分息作為利息,單單靠收賭場利息,一個月都已經有8萬10萬使,生活無憂。但近期澳門博彩行業息微,澳門多個賭廳都有巨額壞帳走數,好多好似我朋友一樣做了定期收息的存款者,想喺賭場攞返本金都幾難,所以她立即call back本金回來,幸好相安無事。

在她有多餘錢又暫時未有投資計劃的時候,她想了一個很叫絕的方法,叫係趁住最近股市開始有點眉目,問她身邊有買股票習慣的朋友:有沒有興趣借錢周轉﹖條件是放一百萬收返3、4分息一個月,果然好快有人認投並全數借出,繼續她錢搵錢的無憂生活。其實,買賣股票的人真係唔介意比高息,只怕本金不足!所以話,機會其實就係左近,只係怕你唔去create唔去爭取。上星期嘅前進控股集團(1499)升得好靚仔,所以今個星期決定加碼,這隻股票係right time right price,今次贏住等心理狀態十分良好,希望它好似它的名字一樣前進前進!

本文章由作者為橙新聞獨家供稿,本文不構成任何投資意見。

作者簡介:

兩年前一個熱愛炒股票的小空姐,大膽以高槓桿方式炒賣股票,得到了過千萬資產,轉型為全職炒家。被電視台訪問後引起注目,被網民戲稱為「美女股神」。

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!