首頁

您當前的位置:財經 > 周顯 正文

周顯

著名細價股炒家

【周顯專欄】學友的歌和妓女的技巧

掃描QR Code 分享到WeChat ×

【周顯專欄】學友的歌和妓女的技巧

一個人聽歌久了便要聽技巧,但真正的專家又會聽返個feel。圖片來源:網絡

食色中環|周顯

著名細價股炒家

那天,一位又聰明又靚仔的朋友,去聽瑞銀搞張學友演唱會。這些小戶,開幾百萬美金戶口,坐的當然是偏遠的位置,至於那些大戶,幾千萬美金存款,先至有資格坐中間也。

當晚張學友唱甩了幾個音,但這位又聰明又靚仔的朋友說﹕「無所謂啦,我橫掂唔中意聽張學友,不過見唔使錢,先至來聽咋。」

其實張學友,我都麻麻地,不過姑且同他說﹕「喂,阿學友,歌神來架噃,你因乜咁都唔啱聽?」

他說﹕「我就是唔中意聽他的歌唱得太好,使唔使成日唱到咁好呀?可唔可以唱得hea D,輕鬆D,好似許冠傑咁,咪幾好聽。」

我說﹕「其實我都係中意張學友初出道時,唱情已逝,新手但個feel好好,當他唱到變成了老餅,技術高了,技巧玩多了,但個feel就沒有了。」

他說﹕「所以呢,一個人初聽歌,聽的是個feel,聽得久了,便要聽技巧,但真正的專家,又會聽返個feel。」

我同意說﹕「這好比去嫖妓,條女十八般武藝做足全套,你反而不喜歡,但一條新女,乜嘢都唔識,好生疏,但反而有新鮮感。

他好奇地問﹕「點解你講乜嘢都會講到女人既?」

我笑說﹕「為咗啱你胃口,等你聽得明啫。唔通我同你講寫作,話寫作初期,有feel但文字差,後來變成了職業作家,文字進步了,但外行人看作品,以為文字美,寫得有內涵,就係好,但其實真正的行家,看的是feel。」

他果然聽不明白我講乜。

股市繼續下跌尋底,無嘢炒。

本文章由作者為橙新聞獨家供稿

作者簡介:

周顯,著名的炒股理論家,吃喝玩樂家,不著名的歴史學家、政治學家,過去還曾經當過社論主筆和武俠小說作者。

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!